नेपाल आमामा समर्पित.....

हे आमा, के भइरहेछ आज देश आधोगतितिर लागिरहेछ.....
तिम्ले जन्माएका पुत्रहरु आफ्नैमाथि जागिरहेछ....
खै कहाँ गए हिजो भाइचाराको झ्यालि पिट्दै हिँड्नेहरु,
आज कतै देख्दिन म, यहाँ त सबै भाइमाराको बिगबिगी छ....
हिजो बेहुलिजस्तै चिरिच्याट्ट परेकि सुन्दरताकि धनी तिमी,,,
आज इज्जत लुटिएकी अबला जस्तै कतै भत्किएकी त कतै च्यातिएकि छौ,
आफ्नै सन्तानबाट तिमी आज लुटिएकी छौ.....
थाहा छ तिमी पनि नरोइ बसेकी त छैनौ, छाती चिरीन्छ तिम्रो मुटु भक्कानिन्छ,
नरोउ आमा, सायद तिम्रो गर्भमा कसैले विष घोलिदिएछ.....
तब न स्यालहरु जन्मिए,
जसले आज हामीलाई जुधाउँदै देश चलाएको नाटक रचिरहेछ...।।।।
-प्रलाद कडेल